Operacioni i Policisë: Prangoset në Skenderaj personi i shpallur në kërkim për krime lufte

Uniformat blu kanë finalizuar me sukses një aksion hetimor, duke kapur dhe vënë në pranga një shtetas kosovar që ishte shpallur në kërkim ndërkombëtar dhe vendor për krime lufte. Sipas informacioneve zyrtare nga Policia e Kosovës, i dyshuari akuzohet për veprën penale “Krime lufte kundër popullatës civile”, krime të cilat dyshohet se janë kryer gjatë periudhës maj-qershor të vitit 1998 në rajonin e Skenderajt. Pas finalizimit të operacionit dhe arrestimit të tij, me vendim zyrtar të prokurorit kompetent, i dyshuari është dërguar në qendrën e mbajtjes për të vazhduar procedurat e mëtejshme ligjore.