Tragjedi në autostradë: Humb jetën këmbësori pas goditjes nga automjeti, policia në ndjekje të drejtuesit të arratisur

Një ngjarje e rëndë ka tronditur opinionin publik, pasi një person i pajetë është gjetur buzë autostradës gjatë ditës së sotme. Sipas të dhënave të para, viktima është goditur nga një automjet, drejtuesi i të cilit ka braktisur vendin e ngjarjes pa dhënë ndihmën e parë. Për shkak të plagëve të rënda, viktima ka ndërruar jetë në vendngjarje. Grupi hetimor dhe njësitë policore kanë ndërmarrë të gjitha veprimet e nevojshme në terren, ndërkohë që autoritetet po punojnë intesivisht për zbardhjen e identitetit të të ndjerit, si dhe për lokalizimin e automjetit dhe kapjen e shoferit përgjegjës. Ky incident tragjik është konfirmuar zyrtarisht edhe nga Ministri i Brendshëm, Pançe Toshkovski, i cili gjatë një paraqitjeje televizive në Kanal 5 dha detajet e para mbi ngjarjen. "Sot kemi një rast të tillë. Një burrë u shtyp dhe u gjet në autostradë, i vdekur në vendin e ngjarjes," u shpreh Toshkovski gjatë prononcimit të tij. Strukturat e rendit janë angazhuar plotësisht për të hedhur dritë mbi rrethanat e plota të këtij aksidenti fatal dhe për të vënë para drejtësisë drejtuesin e pandërgjegjshëm që u largua pas goditjes. Detaje shtesë rreth këtij rasti priten të bëhen publike menjëherë pas përfundimit të hetimeve dhe ekspertizave zyrtare në terren.