Manaj paralajmëron San Marinon: Do ta kërkojmë fitoren që nga sekonda e parë, grupi ynë është rritur ndjeshëm

Kombëtarja shqiptare e futbollit bëhet gati për sfidën e radhës në Ligën e Kombeve kundër San Marinos. Në prag të këtij dueli, sulmuesi i njohur kuqezi, Rey Manaj, ka ndarë pritshmëritë e tij gjatë një prononcimi për media. Duke analizuar kundërshtarin, Manaj theksoi rëndësinë e qasjes serioze në fushë. Sipas tij, pavarësisht diferencave në letër, gjithçka varet nga mënyra se a do të hyjnë lojtarët në lojë me mentalitetin e duhur. Ai shtoi se pas angazhimit në Finlandë, ky takim kërkon përqendrim maksimal për të siguruar triumfin sa më parë dhe për t'i dhënë fund çdo dileme. Lojtari vuri theksin edhe te atmosfera pozitive brenda grupit, duke e cilësuar atë si më të përmirësuar dhe të bashkuar. Ai vlerësoi se prioritet për secilin futbollist të grumbulluar mbetet suksesi i skuadrës dhe jo interesat individuale. Në rrafshin personal, sulmuesi nuk e fshehu ambicien për të lënë gjurmë dhe për të thyer rekordin e tij të golave, megjithatë vuri në pah se triumfi i ekipi mbetet mbi çdo gjë tjetër. Duke reflektuar mbi ecurinë e tij, Manaj pranoi se pas një periudhe të kushtëzuar nga dëmtimet dhe mungesa e vazhdimësisë, tashmë gjërat po ecin në drejtimin e duhur me pesë gola të shënuar gjatë vitit të fundit.