Tensioni para Kuvendit: Protestuesit i kërkojnë Albin Kurtit votën për ndryshimin e Ligjit për Gjykatën Speciale

Kryeministri në detyrë, Albin Kurti, është përballur me thirrjet e protestuesve të mbledhur para ndërtesës së Kuvendit të Kosovës, të cilët po kërkojnë ndryshimin e Ligjit për Dhomat e Specializuara. Derisa Kurti po kalonte pranë tyre, turma e qytetarëve i është drejtuar kreut të ekzekutivit me kërkesën e qartë që Lëvizja Vetëvendosje të mbështesë përmes votës ndryshimet e këtij ligji. Demonstruesit u kanë bërë thirrje të gjithë deputetëve që t'i japin dritën jeshile kësaj nisme ligjore, duke paralajmëruar se protestat dhe prania e lor para institucioneve do të vijojnë deri në arritjen e qëllimit të tyre.