Bedri Hamza: Çështja e Speciales dhe ajo e presidentit nuk kanë lidhje mes vete

Kryetari i Partisë Demokratike të Kosovës, Bedri Hamza, ka bërë të qartë se nisma për ndryshimin e Ligjit për Dhomat e Specializuara nuk ka asnjë lidhje me procesin e zgjedhjes së presidentit të ardhshëm të vendit. Reagimi i tij vjen menjëherë pasi Projektligji për Specialen mori dritën jeshile në lexim të parë, ndërsa Hamza ka mohuar kategorikisht ekzistencën e ndonjë pakoje marrëveshjesh politike pas këtij votimi. “Ligji për Specialen dhe presidenti janë çështje të ndara. Nuk është ligji çështje e marrëveshjeve tjera politike, për pozita”, u është drejtuar ai gazetarëve gjatë një paraqitjeje publike. Në fjalën e tij, kreu i PDK-ja ka insistuar se çështja e reformimit apo ndryshimit të këtij ligji kërkon një trajtim meritor dhe krejtësisht të pavaruar nga pazaret apo dinamikat e tjera të ditës në skenën politike vendore.