Veldin Hoxha pas barazimit me Austrinë: Fitoren e kishim në dorë, na mungoi vetëm finalizimi

Mesfushori i Përfaqësueses së Kosovës, Veldin Hoxha, ka ndarë opinionin e tij pas përfundimit të ndeshjes ndaj Austrisë, e cila u mbyll me shifrat e barabarta 1:1, duke theksuar se paraqitja e skuadrës sonë ishte për tri pikë. Gjatë prononcimit të tij, Hoxha vuri në pah se Përfaqësuesja e Kosovës krijoi disa raste ideale për të shënuar dhe për të çuar epërsinë në dy gola, por mungesa e saktësisë bëri që ndeshja të mbyllet me këtë rezultat. "Kemi zhvilluar një takim tejet sfidues, mirëpo besoj fort se meritonim triumfin në këtë përballje," u shpreh ai fillimisht. "Ashtu siç e cekët edhe ju, patëm mundësi të shumta shënimi në dispozicion. Megjithatë, ky është futbolli dhe ndonjëherë gjërat nuk shkojnë sipas dëshirës," përfundoi Hoxha.