Përplasja në distancë: Bashkëshorti i Albulena Haxhiut i kundërpërgjiget Endrit Thaçit për Gjykatën Speciale

Alban Krasniqi, bashkëshorti i ushtrueses së detyrës së presidentes, Albulena Haxhiu, ka bërë një reagim të hapur publik, duke iu drejtuar Endrit Thaçit, djalit të ish-presidentit Hashim Thaçi. Kjo përplasje verbale vjen në një moment politikisht të tensionuar, vetëm një ditë para seancës plenare të Kuvendit ku do të shqyrtohen ndryshimet në Ligjin për Gjykatën Speciale, dhe dy ditë para se të skadojë mandati i Haxhiut në krye të shtetit. Përmes një postimi të shkruar me shkronja të mëdha për të vënë theksin te qëndrimi i tij, Krasniqi ka ngritur akuza dhe pretendime se Partia Demokratike e Kosovës ka qenë iniciatore dhe ka çuar përpara themelimin e kësaj gjykate, duke hedhur poshtë përgjegjësinë e Albin Kurit dhe Lëvizjes Vetëvendosje. "A po i kallxoni djalit të Hashimit që baba i tij me PDK-në e ka çu para themelimin e gjykatës, e JO Albini dhe Vetëvendosja", ka shkruar ndër të tjera Krasniqi në reagimin e tij.