Kinematografia shqiptare shkëlqen në Cyrih: Noizy dhe Blerim Destani sjellin premierën e “Blood Money”

Pjesëmarrja e artistëve shqiptarë ka marrë vëmendjen kryesore në edicionin e këtij viti të Festivalit të Filmit në Cyrih. Emrat e njohur të skenës dhe kinematografisë, reperi i njohur Noizy dhe aktori Blerim Destani, së bashku me yllin e kinematografisë gjermane Moritz Bleibtreu, janë bërë pjesë e programit të njohur “ZFF Masters”. Në kuadër të kësaj ngjarjeje, saktësisht në orën 13:30, është shfaqur filmi “Blood Money”, një projekt që shënon edhe debutimin e Noizys si aktor, ndërkohë që Blerim Destani vjen në një nga rolet kryesore të kësaj prodhimi kinematografik. Ky film, i cili mban vulën e prodhimit shqiptar për vitin 2026 dhe vjen me regji të Enkelejd Llucës, ka siguruar një vend në kategorinë prestigjioze të premierave gala të këtij festivali ndërkombëtar. Ngjarjet e trajtuara në film zhvillohen në qytetin e Durrësit, ndërsa në mbështetje të këtij projekti vjen një kast i pasur aktorësh ku spikasin edhe fytyra të tjera të njohura shqiptare.