Surpriza e Maranit pak orë para sfidës me Finlandën: Tre futbollistë mbeten jashtë listës

Kombëtarja shqiptare e futbollit po bëhet gati për ballafaqimin e radhës, teksa trajneri Rolando Maran ka përcaktuar grupin përfundimtar të lojtarëve që do të ketë në dispozicion për këtë takim të rëndësishëm që do të nisë në orën 15:00. Tekniku i kuqezinjve ka ndërmarrë disa lëvizje bukur të papritura, duke vendosur të lërë jashtë planet e tij tre prej futbollistëve për sfidën ndaj finlandezëve. Futbollisti i parë që nuk do të mund të kontribuojë për ekipin për arsye zgjedhjesh taktike është Samuele Sina, një lojtar që në ndeshjen e kaluar të fituar kundër San Marinos pati mundësinë ta niste sfidën që nga minuta e parë. Në listën e lojtarëve të lënë jashtë bashkohen gjithashtu mbrojtësi i Union Brescia, Klevi Qefalija i Dinamos, si dhe Sabah Kerjota. Ndërkohë, sa u përket elementëve që rikthehen nën urdhrat e stafit teknik dhe që mund të aktivizohen në varësi të ecurisë së lojës, spikasin emri i Feta Fetait, kapitenit të përfaqësueses U-21, dhe Klisman Cakes, i cili e ka lënë përfundimisht pas dëmtimin e tij. Për sa i takon Luis Hasës, ai vazhdon të jetë i prekur nga një gjendje gripale me temperaturë, ndaj pritet të jetë i gatshëm vetëm për ndeshjen e fundit që do të luhet në shtëpi.