Parashikimi surprizë i John Terry: Ky ekip do të kurorëzohet kampion i Ligës Premier

Ish-kapiteni legjendar i Chelseat, John Terry, ka shprehur bindjen e tij se Arsenali do të arrijë të triumfojë në Ligën Premier këtë sezon, ndërkohë që parashikon një ecuri me luhatje për ish-skuadrën e tij gjatë muajve në vijim. Gjatë një bisede në platformën TikTok me ish-sulmuesin e “Topçinjve”, Theo Walcott, Terry pranoi hapur se edhe pse i vjen vështirë ta pranojë, ekipi i drejtuar nga Mikel Arteta zotëron të gjitha cilësitë e duhura për të mbajtur kreun dhe për të fituar trofeun. “Fatkeqësisht, më duhet ta pranoj se Arsenali është favoriti kryesor për të fituar titullin kampion këtë edicion”, u shpreh ndër të tjera ish-mbrojtësi i njohur anglez. Duke analizuar ecurinë e londinezëve të tjerë, ai shtoi: “Ne te Chelsea nisëm mjaft mirë dhe madje zhvilluam një duel të fortë ndaj jush. Megjithatë, që prej asaj sfide kemi pasur paraqitje të ndryshueshme mes fitoreve dhe ndalesave, dhe druhem se kjo do të jetë panorama e gjithë sezonit tonë”. Pavarësisht kësaj situate, Terry ushqen shpresën se Blutë e Londrës do ia dalin të sigurojnë një vend në katërshekëshin e parë që dërgon në Ligën e Kampionëve, ndonëse pranon se klubit i duhet edhe kohë për t'u rikthyer në garën e mirëfilltë për titull.