UEFA merr vendimin zyrtar, ja gjyqtari që do të ndajë drejtësinë në sfidën Finlandë-Shqipëri

Shtëpia evropiane e futbollit ka zbardhur emrin e gjyqtarit kryesor që do të drejtojë takimin e radhës mes Finlandës dhe Shqipërisë, sfidë kjo e programuar për t'u zhvilluar këtë të shtunë, duke filluar nga ora 15:00 me orën tonë lokale. Për këtë përballje delikate, Delegacioni i UEFA-s i ka besuar fanellën e kryesorit arbitrit nga Irlanda, Rob Hennessy, i cili do të ketë përgjegjësinë e plotë për mbarëvajtjen e lojës në fushën e blertë. 35-vjeçari po njeh një ngjitje të qëndrueshme në karrierën e tij ndërkombëtare, pasi mban stemën e FIFA-s që prej vitit 2017. Kulmi i deritanishëm i eksperiencës së tij regjistron drejtimin e finales së madhe të Kampionatit Europian U19 për vitin 2025, e cila u luajt mes Spanjës dhe Holandës.