Dëshira e madhe e Joao Felix: Portugezi kërkon rikthimin e bujshëm te Barcelona

Sulmuesi anësor, Joao Felix, ka bërë të qartë synimin e tij për t'u rikthyer sërish te fanella e Barcelonës, sapo të mbyllë periudhën e tij aktuale në Arabinë Saudite. Edhe pse 26-vjeçari është i lidhur me një marrëveshje valide me Al-Nassr deri në muajin qershor të vitit 2027, ai synon që në të ardhmen të kthehet në skenën e futbollit evropian pa shkaktuar kosto kartoni. Mediat e huaja bëjnë me dije se gjiganti katalanas mbetet vendi i preferuar i yllit portugez për të vazhduar karrierën. Megjithëse drejtuesit e klubit nga “Camp Nou” nuk e kanë aktualisht në plan të parë këtë transferim, rrjedha e ngjarjeve mund të ndryshojë shpejt, aq më tepër kur vetë Felix është shprehur i gatshëm të pranojë një ulje drastike të pagës vetëm e vetëm për të veshur sërish fanellën e katalanasve.