Protesta për UÇK-në, studentët e Filologjisë zhvendosin ligjëratat në shesh

Këshilli Studentor i Fakultetit të Filologjisë ka shprehur solidaritetin e plotë me marshin mbarëpopullor, i cili është organizuar në shenjë pakënaqësie ndaj vendimit të Gjykatës Speciale në Hagë ndaj ish-drejtuesve të Ushtrisë Çlirimtare të Kosovës. Përmes një njoftimi zyrtar në rrjetet sociale, ky këshill ka përcjellë një thirrje domethënëse duke bërë të ditur se procesi mësimor për ditën e sotme do të zhvillohet në hapësirat e sheshit. "Shihemi në Protestën historike për UÇK dhe liderët historikë", thuhet ndër të tjera në mesazhin e shpërndarë për studentët dhe opinionin publik.