Vlera e Armando Brojës pëson rënie drastike, sulmuesi kuqezi 'humbet' 2 milionë euro

Momenti delikat që po kalon Armando Broja ka lënë gjurmë edhe në vlerën e tij të kartonit në tregun ndërkombëtar të transferimeve. Sipas platformës së njohur tëspecializuar “Transfermarkt”, pas përditësimit të fundit, sulmuesi i Kombëtarja shqiptare ka pësuar një ulje prej 2 milionë eurosh. Nga 5 milionë euro që vlerësohej më parë, çmimi i tij aktual ka rënë në kuotën e 3 milionë eurove. Kjo rënie e ndjeshme vjen si pasojë e ecurisë jo optimale, mungesës së vazhdueshmërisë në fushën e lojës te Burnley dhe vështirësive për të gjetur rrugën e rrjetës. Me këtë zhvlerësim, 25-vjeçari kthehet financiarisht pesë vite pas, në kohën kur ishte vetëm 20 vjeç dhe aktivizohej me skuadrën holandeze të Vitesse, periudhë gjatë së cilës vlera e tij në treg llogaritej gjithashtu rreth 3 milionë euro. Situata aktuale përbën një tjetër goditje për lojtarin, i cili së fundmi mbeti jashtë listës së grumbulluar nga trajneri për sfidat e Ligës së Kombeve.