Përvjetori i 1 Tetorit ’97, Haradinaj: Protesta e studentëve vulosi rrugën drejt lirisë

Kryetari i deritanishëm i Aleancës për Ardhmërinë e Kosovës, Ramush Haradinaj, ka evokuar kujtimet nga protesta historike e 1 Tetorit 1997, duke e vlerësuar atë si një gurthemel të rëndësishëm në historinë e rezistencës shqiptare. Nëpërmjet një shkrimi të publikuar në rrjetet sociale, Haradinaj ka theksuar se në këtë datë të shënuar, studentët dhe pedagogët e Universitetit të Prishtinës u shndërruan në emblemë të qëndresës përballë dhunës dhe padrejtësive të regjimit pushtues ndaj popullsisë vendase. "Atë ditë, ata sfiduan regjimin shtypës dhe kërkuan të drejtat themelore, duke ndezur kështu flakën e një lëvizjeje që do të çonte drejt ndryshimeve të mëdha, duke nxitur vendosmërinë e popullit shqiptar për liri dhe pavarësi", ka shkruar Haradinaj.