Vazhdimi i paraburgimit për Hashim Thaçin në ditën e protestës, reagon ashpër deputeti i PDK-së

Deputeti i Partisë Demokratike të Kosovës, Artan Behrami, ka reaguar me ashpërsi ndaj vendimit të fundit të Gjykatës Speciale në Hagë për t'i vazhduar masën e paraburgimit ish-presidentit Hashim Thaçi, në kuadër të procedurave për rastin e dytë ku ai përballet me pretendimet për pengim të drejtësisë. Reagimi i ligjvënësit vjen pikërisht në ditën kur është paralajmëruar mbajtja e një proteste masive. Behrami e ka cilësuar këtë vendim si një veprim të ulët dhe provokues nga ana e gjykatës. "Paramendoni sa të poshtër janë. Në ditën e protestës masive, Gjykata Speciale provokon, në të njëjtën ditë, me vazhdimin e paraburgimit. Një motiv më shumë për ta mbushur sot sheshin. Ejani në ora 16:00!", ka shkruar deputeti Behrami në reagimin e tij publik, duke ftuar qytetarët në tubimin e thirrur pasditen e sotme.