Manchester City nën lupë: Zbulohet skema e fryrjes së të ardhurave me mbi 850 milionë funte

Manchester City ndodhet në qendër të një stuhie financiare, pasi hetimet e komisionit përkatës kanë nxjerrë në dritë parregullsi të mëdha në raportimin e të ardhurave të klubit. Gjatë një periudhe nëntëvjeçare, kampioni i Anglisë raportoi shifra të sponsorizimeve që kapnin vlerën e 949.4 milionë funteve, ndërkohë që shuma reale e verifikuar ishte vetëm 119.2 milionë funte. Sipas detajeve të zbardhura, diferenca e konsiderueshme prej 830.7 milionë funtesh dyshohet se është injektuar në buxhetin e klubit nga Abu Dhabi United Group (ADUG), pronari i Manchester Cityt. Kjo manovër është cilësuar nga komisioni si një “skemë financimi e maskuar”, e cila kishte për qëllim shmangien e rregullave financiare në fuqi. Në total, akuzat ndaj klubit nga Mançesteri përqendrohen në mbivlerësimin e të ardhurave me një shifër marramendëse prej 854.5 milionë funtesh përgjatë nëntë viteve të shqyrtuara. Ky skandal pritet të ketë ndikim të madh në të ardhmen e klubit, duke pasur parasysh gravitetin e shkeljeve të pretenduara.