Kuqezinjtë nuk kthehen në Tiranë: Ja plani i stërvitjes së Kombëtares në Itali para duelit me Finlandën

Pasi triumfoi bindshëm ndaj San Marinos, Përfaqësuesja e Shqipërisë ka vendosur të mos rikthehet menjëherë në kryeqytet, duke zgjedhur një itinerar tjetër përgatitor. Stafi teknik dhe futbollistët kanë vendosur që të vijojnë seancat stërvitore në qytetin e Çezenës, vetëm një ditë pas përfundimit të ndeshjes së fundit. Në aspektin fizik, grupi do të ndahet në bazë të minutave të luajtura: lojtarët që ishin titullarë do të zhvillojnë një seancë me ngarkesë më të lehtë, ndërsa pjesa tjetër e skuadrës do të kryejë një stërvitje me intensitet të plotë. Ndërkohë, dita e nesërme do të shënojë edhe zhvendosjen e radhës për kuqezinjtë, të cilët do të udhëtojnë drejt Finlandës, ku do të zhvillojnë edhe stërvitjen e fundit zyrtare në stadiumin ku do të luhet sfida e radhës.