Gjendja e Aro Muric në dyshim, Foda tregon nëse portieri do të jetë gati ndaj Izraelit

Përzgjedhësi i Përfaqësueses së Kosovës, Franco Foda, ka dalë para mediave në konferencën zyrtare paraprake për ndeshjen e nesërme kundër Izraelit, e cila vlen për Ligën e Kombeve. Gjatë fjalës së tij, tekniku gjerman u ndal te situata e portierit Aro Muric, i cili u dëmtua gjatë duelit miqësor që Kosova pati ndaj Austrisë ditën e diel. “Aro Muric ka pësuar një lëndim ndaj Austrisë, sonte do ta shohim nëse ai mund të luajë nesër ndaj Izraelit apo jo”, u shpreh ndër të tjera strategu i Përfaqësueses. Kujtojmë se sfida ndërmjet Kosovës dhe Izraelit është planifikuar të zhvillohet nesër në Hungari, me fillim prej orës 20:45.