Lëvizja për ndryshime në LSDM: Petrov zbulon mbështetjen e gjerë brenda grupit parlamentar

Anëtari i kryesisë së LSDM-së dhe njkohësisht pjesë e nismës "Platforma 12:05" për reforma të brendshme, Andrej Petrov, ka hedhur dritë mbi pakënaqësitë që sollën deri te krijimi i këtij fraksioni brenda forcës politike, duke theksuar se kjo lindje erdhi si pasojë e pakënaqësisë së grumbulluar ndaj udhëheqjes aktuale. I ftuar në transmetimin e 4TV, Petrov bëri të ditur se nisma gëzon mbështetjen verbale të rreth 90 për qind të ligjvënësve që bëjnë pjesë në grupin parlamentar të kësaj partie. "Verbalisht, nga 90% e deputetëve të LSDM-së. Verbalisht, po. Megjithatë, këta janë njerëz që janë deputetë të LSDM-së, kanë një grup të vogël parlamentar dhe janë në një situatë delikate dhe specifike dhe ne nuk do të donim të sfidonim askënd në veçanti për gjëra të caktuara që, në një farë mënyre, mund t'i shkaktojnë dëm personal nëse marrin pjesë", u shpreh Petrov gjatë prononcimit të tij. Kjo valë pakënaqësish vjen pak kohë pasi deputetja Sllavjanka Petrovska deklaroi se grupimi i ri brendapartiak u formua si rezultat i shurdhimit të strukturave ndaj thirrjeve për transformim të qasjes politike. Ajo pati theksuar se këto shqetësime ishin ngritur më parë edhe në tryezë me kryetarin aktual, Venko Filipçe, mirëpo nuk kishin gjetur mirëkuptimin e duhur.