Thomas Tuchel paralajmëron epokën e re: Jude Bellingham, kapiteni i ardhshëm i Anglisë

Përzgjedhësi i kombëtares së Anglisë, Thomas Tuchel, ka lënë të kuptohet qartë se Jude Bellingham mund të vishet me shiritin e kapitenit në baza të përhershme te “Tre Luanët”, menjëherë pas triumfit 2-0 kundër Çekisë në kuadër të Ligës së Kombeve. Futbollisti i Real Madridit mori udhëheqjen e skuadrës nga Harry Kane kur u fut në fushë në minutën e 71-të, duke zëvendësuar sulmuesin kryesor. Një skenar i ngjashëm kishte ndodhur edhe në përmbylljen e sfidës ndaj Spanjës, kur Bellingham kishte trashëguar sërish shiritin nga Kane. “Nëse je kapiten në fund të këtyre ndeshjeve, atëherë sigurisht që mund të jesh kapiteni i përhershëm”, u shpreh Tuchel gjatë deklaratës së tij për media. Strategu gjerman tregoj se ka biseduar me 23-vjeçarin rreth përgjegjësive të tij në grup, duke vënë në pah dëshirën e madhe të mesfushorit për të dhënë kontributin e tij, qoftë edhe kur niste nga banka rezervë. “Mendoj se ai e pëlqen të jetë me ne për momentin, të paktën kështu e ndiej. Sot patëm një bisedë të shkurtër për rolin e tij. Të dy e kishim atë ndjesinë se donim të vazhdonim dhe të nisnim përsëri, por më pas të dy menduam se ndoshta 30 minuta ishin të mjaftueshme për sot”, shtoi trajneri. Tuchel sqaroi se lojtari nuk kishte pasur ngarkesë të ngjashme me këtë ritëm gjatë këtij edicioni, ndaj preferuan të mos rrezikonin me gjendjen e tij fizike. “Ai e ka bërë këtë më parë, por jo gjatë këtij sezoni, ndaj nuk donim të ishim të parët që do ta provonim. Megjithatë, edhe në këtë paraqitje të shkurtër mund ta shihni se ai është i sigurt në vete dhe i lumtur që të ndihmojë ekipin edhe nga banka”, theksoi ai, duke shtuar se besimi i dhënë përmes shiritit është një vlerësim i merituar. Megjithatë, tekniku anglez ka ngritur edhe një shqetësim lidhur me formën fizike të yllit të tij, duke konfirmuar se ai ndjeu një shqetësim të lehtë në çastet e fundit të takimit. “Ai pati një shqetësim të vogël në fund të ndeshjes. Shpresojmë që të mos jetë asgjë serioze dhe që të jetë i gatshëm për ndeshjen ndaj Kroacisë”, përfundoi Tuchel.