Aktuale
65-vjetori i Shkurte Fejzës: Ikona e muzikës mbërrin moshën e pensionit, por skena mbetet shtëpia e saj
Reklamë e Sponsorizuar
Këngëtarja e mirënjohur shqiptare, Shkurte Fejza, ka shënuar sot një moment të rëndësishëm në jetën e saj, teksa ka mbushur 65 vjet. Edhe pse ky përvjetor shënon zyrtarisht arritjen e moshës së pensionit, artistja nuk ka ndërmend t'i japë fund karrierës së saj të bujshme muzikore, duke mbetur e lidhur ngushtë me skenën dhe publikun.
Në këtë ditë të veçantë, bashkëshorti i saj, Hajrushi, ka zgjedhur t'i dedikojë një mesazh mjaft romantik dhe emocionues, duke vlerësuar jo vetëm karrierën e saj, por edhe rolin e saj si bashkëshorte, nënë dhe gjyshe.
“Sot është dita jote, Shkurta ime! Nuk e di nëse fjalët mund ta shprehin plotësisht atë që ndiej për ty, por dua të të them se jam njeriu më mirënjohës që jeta më dha fatin të të kem pranë. Bashkë nisëm një rrugëtim që u bë jetë. U rritëm bashkë, ëndërruam bashkë, i përballuam sfidat bashkë dhe ndërtuam një histori që nuk përbëhet vetëm nga dashuria jonë, por edhe nga familja, kënga, sakrificat dhe përkushtimi ndaj vendit tonë”, ka shkruar Hajrushi në urimin e tij.
Ai ka shtuar se ka qenë dëshmitar i përkushtimit dhe dinjitetit të saj ndër vite, duke theksuar: “Kam qenë dëshmitar i forcës, talentit, përkushtimit dhe dinjitetit tënd. Kam parë se sa shumë ke dhënë nga vetja për këngën dhe për popullin tënd. Por, përtej artistes që e njeh publiku, unë njoh gruan e jetës sime, bashkëshorten, nënën dhe gjyshen e mrekullueshme”.
Në mbyllje të dedikimit të tij prekës, Hajrushi ka shprehur mirënjohjen për vitet e kaluara së bashku: “Faleminderit për dashurinë, për besimin, për çdo ditë të bukur dhe për çdo vështirësi që e kaluam dorë për dore. Faleminderit që edhe pas gjithë këtyre viteve, vazhdon të jesh dashuria, krenaria dhe shoqja ime më e mirë. Nëse do të më jepej edhe një jetë për ta jetuar, përsëri do të të zgjidhja ty! Gëzuar ditëlindjen, Shkurta ime! Të paçim edhe shumë vite me shëndet, lumturi e dashuri pranë fëmijëve, nipërve e mbesave dhe të gjithë atyre që të duan. Të dua sot, si dje, dhe përherë”.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: