Lajmetereja | --:-- | Kosovë & Rajoni
Aktuale

​Industria në Kosovë shënon rritje, prin ky sektor

Redaksia Lajmetereja • 18-11-2026 16:23
Shpërndaj:
Reklamë e Sponsorizuar
​Industria në Kosovë shënon rritje, prin ky sektor
Sektori i minierave dhe guroreve në Kosovë ka shënuar rritje të qarkullimit prej 38,67 pwr qind gjatë shtatorit 2026, por njëkohësisht ka regjistruar rënie të punësimit prej 10,14%. Këto të dhëna janë publikuar të mërkurën nga Agjencia e Statistikave të Kosovës (ASK), në raportin mbi Statistikat Afatshkurtra të Industrisë për muajin shtator 2026, transmeton KosovaPress. Sipas ASK-së, qarkullimi i përgjithshëm në sektorin e industrisë është rritur për 2,10% krahasuar me shtatorin e vitit 2025. Rritjen më të madhe e ka shënuar industria nxjerrëse, përkatësisht minierat dhe guroret, me 38,67%, pasuar nga furnizimi me ujë dhe veprimtaritë e menaxhimit e trajtimit të mbeturinave, me 8,25%. Ndërkohë, sektori i furnizimit me energji elektrike, gaz, avull dhe ajër të kondicionuar ka regjistruar rritje të qarkullimit prej 6,96%. Në anën tjetër, industria përpunuese ka shënuar rënie prej 0,93%. Rritet punësimi në industri, minierat regjistrojnë rënie Të dhënat e ASK-së tregojnë se numri i përgjithshëm i të punësuarve në sektorin industrial është rritur për 2,62% gjatë shtatorit 2026, krahasuar me muajin e njëjtë të vitit paraprak. Rritja më e madhe e punësimit është regjistruar në industrinë përpunuese, me 3,52%, ndërsa në sektorin e furnizimit me ujë dhe menaxhimit të mbeturinave punësimi është rritur për 3,34%. Megjithatë, industria nxjerrëse ka regjistruar rënie të numrit të të punësuarve prej 10,14%, pavarësisht rritjes së ndjeshme të qarkullimit. Rënie e lehtë e punësimit, prej 0,48%, është shënuar edhe në sektorin e furnizimit me energji elektrike, gaz, avull dhe ajër të kondicionuar. Fondi i pagave në industri rritet për 14,87% Sipas raportit, fondi i përgjithshëm i pagave dhe mëditjeve në sektorin industrial është rritur për 14,87% gjatë shtatorit 2026, krahasuar me shtatorin e vitit 2025. Rritjen më të madhe e ka regjistruar industria përpunuese, me 20,08%, pasuar nga sektori i furnizimit me ujë dhe menaxhimit të mbeturinave, me 11,59%. Në industrinë nxjerrëse, fondi i pagave është rritur për 5,34%, ndërsa sektori i furnizimit me energji elektrike, gaz, avull dhe ajër të kondicionuar ka shënuar rënie prej 1,37%. Të dhënat e ASK-së tregojnë se, ndonëse industria e Kosovës ka regjistruar rritje të qarkullimit, punësimit dhe fondit të pagave në nivel të përgjithshëm, zhvillimet ndryshojnë ndërmjet aktiviteteve industriale.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:
Hapësirë Reklamuese
Më Shumë Lajme në Telegram

Ndiqni kanalin tonë për njoftime të shpejta të lajmeve më të rëndësishme në kohë reale.

Bashkohu Tani
Reklamë

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar