Lajmetereja | --:-- | Kosovë & Rajoni
Kronikë

Skandal rreth këngëtarit të famshëm, Julio Iglesias akuzohet për abuzime seksuale

Redaksia Lajmetereja • 18-11-2026 16:04
Shpërndaj:
Reklamë e Sponsorizuar
Skandal rreth këngëtarit të famshëm, Julio Iglesias akuzohet për abuzime seksuale
Këngëtari i njohur spanjoll Julio Iglesias është vënë nën hetim nga drejtësia spanjolle, pas një ankese të paraqitur nga dy ish-punonjëse të tij, të cilat e akuzojnë për ngacmime dhe abuzime seksuale, dhunë fizike dhe trajtim degradues. Sipas raportimit të Reuters, dy gratë pretendojnë se janë keqtrajtuar gjatë kohës kur kanë punuar në pronat e këngëtarit në Republikën Dominikane dhe në Bahamas, gjatë vitit 2021. Njëra prej tyre kishte punuar si punëtore shtëpiake, ndërsa tjetra si fizioterapiste. Ato pretendojnë se gjatë periudhës së punës janë përballur me ngacmime dhe abuzime seksuale, presion, dhunë fizike dhe poshtërim. Ankesa është paraqitur përmes organizatës për të drejtat e grave “Women’s Link Worldwide”. Sipas Reuters, Gjykata Kombëtare e Spanjës ka vendosur të nisë hetimet, pasi ka shqyrtuar dëshmitë e grave dhe materialet e dorëzuara, përfshirë fotografi të lëndimeve të pretenduara. Hetimet do të përqendrohen te veprat e mundshme kundër lirisë seksuale, lëndimet trupore dhe trajtimi degradues. Ndërkaq, pretendimet për trafikim me qenie njerëzore dhe shkelje të të drejtave të punëtorëve janë përjashtuar nga kjo procedurë. Sipas raportimit të Euronews, dy ish-punonjëset janë ftuar të dëshmojnë personalisht para gjykatës më 3 shkurt 2027. Ndërkohë, Julio Iglesias i ka mohuar kategorikisht akuzat. Ai i ka cilësuar ato si të pavërteta, duke deklaruar se nuk ka abuzuar, detyruar apo treguar mungesë respekti ndaj asnjë gruaje. Hapja e hetimeve nuk nënkupton se akuzat janë vërtetuar, ndërsa çështja pritet të shqyrtohet nga drejtësia spanjolle.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:
Hapësirë Reklamuese
Më Shumë Lajme në Telegram

Ndiqni kanalin tonë për njoftime të shpejta të lajmeve më të rëndësishme në kohë reale.

Bashkohu Tani
Reklamë

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar