Aktuale
Perez qetëson presidentin e Bayern Munihut: Real Madridi nuk ka kontaktuar Olisen
Reklamë e Sponsorizuar
Në një kohë kur të gjitha rrugët dukeshin se çonin drejt Madridit, presidenti i Bayern Munihut ka dalë për të mbyllur përfundimisht këtë çështje: nuk ka negociata, nuk ka kontakte të fshehta dhe në Allianz Arena nuk ka asnjë shqetësim. Michael Olise do të qëndrojë te Bayerni, ndërsa mesazhi ka ardhur nga drejtuesit më të lartë të klubit gjerman.
Presidenti i Bayern Munihut, Herbert Hainer, ka zbuluar detaje nga bisedimet e tij me homologun e Real Madridit, Florentino Pérez, lidhur me të ardhmen e yllit francez Michael Olise. Përgjigjja e tij është e qartë: gjithçka është e qetë dhe lojtari nuk do të largohet askund.
Olise ishte një nga emrat më të përfolur gjatë afatit kalimtar të verës së kaluar, kur u lidh fuqishëm me një transferim te Real Madridi për të përforcuar repartin ofensiv. Megjithatë, në fund, Pérez dhe gjiganti spanjoll vendosën të transferonin sulmuesin nga Bregu i Fildishtë, Yan Diomande, i cili deri më tani ka tejkaluar të gjitha pritshmëritë, duke fituar besimin e trajnerit José Mourinho dhe tifozëve të Santiago Bernabeut.
Megjithatë, spekulimet nuk janë ndalur. Kontrata e Olises me Bayern Munichun është e vlefshme deri në vitin 2029, ndërsa francezi ishte shumë pranë veshjes së fanellës së bardhë verën e kaluar. Në korrik, gazeta franceze L'Équipe raportoi se ai u kishte thënë bashkëlojtarëve të kombëtares së Francës se do të luante nën drejtimin e Mourinhos, gjë që vetëm sa i shtoi zërat për një marrëveshje të mundshme.
Tani, Hainer ka dhënë fund këtyre diskutimeve në një intervistë për median gjermane t-online, duke folur hapur për rëndësinë e lojtarit në klubin bavarez.
"Duhet të kemi parasysh nëse një lojtar përshtatet me ne për sa i përket stilit të lojës, personalitetit dhe temperamentit, por mbi të gjitha si njeri. Michael ndihet si në shtëpinë e tij këtu dhe e di shumë mirë se çfarë ka te Bayern Munihu", deklaroi Hainer.
Drejtuesi i Bayernit ka një marrëdhënie të fortë dhe miqësore me Pérezin, e cila daton prej më shumë se 25 vitesh.
"Unë e njoh atë prej më shumë se 25 vitesh dhe kemi një marrëdhënie miqësore. Prandaj e pranova me kënaqësi ftesën e tij për në Madrid dhe mbajta fjalimin e urimit për të diplomuarit e akademisë së Real Madridit",shpjegoi Hainer.
Hainer konfirmon bisedën me Perezin
Sa i përket Olises, Hainer konfirmoi se kishte biseduar drejtpërdrejt me Florentino Pérezin dhe përgjigjja e presidentit madrilen ishte e qartë dhe vendimtare.
Presidenti i Real Madridit i ka thënë se klubi nuk ka zhvilluar bisedime me Olisen apo me agjentin e tij dhe se, të paktën për momentin, nuk ka ndërmend ta bëjë një gjë të tillë.
Nga ana tjetër, Bayerni është plotësisht i qetë dhe nuk ka asnjë shqetësim për humbjen e yllit të tij. Synimi i klubit është që francezi të qëndrojë edhe për shumë vite në Munih.Hainer theksoi se kontrata e Olises është ende e vlefshme deri në vitin 2029 dhe se objektivi i klubit është ta mbajë atë për një periudhë sa më të gjatë.
Ai bëri të qartë se në Bayern Munih nuk po mendojnë aspak për mundësinë e largimit të tij drejt Real Madridit.Mesazhi është i dyfishtë. Për tifozët e Bayernit: ylli i tyre do të qëndrojë. Për klubet e tjera të interesuara: dera e negociatave është e mbyllur.
Ndërkohë, Real Madridi duket se ka gjetur atë që kërkonte te Yan Diomande, ndërsa Michael Olise vazhdon të shkruajë historinë e tij në Mynih.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: