Aktuale
Brno ateron në Kosovë: Ferizaj synon përmbysjen e madhe në Challenge Cup
Reklamë e Sponsorizuar
Skuadra çeke e Brnos ka mbërritur këtë të martë në Kosovë, pasi ka realizuar udhëtimin përmes Vjenës. Fluturimi drejt kryeqytetit, Prishtinës, ka zgjatur rreth 90 minuta dhe ka shkuar sipas planifikimeve, siç është njoftuar edhe nga kanalet zyrtare të klubit vizitor.
Pas mbërritjes, volejbollistët e Brnos kanë shfrytëzuar orët e mbrëmjes për t’u aklimatizuar me ambientin e palestrës. Fokusin kryesor të seancës stërvitore, ekipi çek ia ka kushtuar përshtatjes me parketin e tipit ‘Taraflex’, sipërfaqe kjo ku do të zhvillohet edhe përballja e rëndësishme.
Kujtojmë se në ndeshjen e parë të vlefshme për Challenge Cup, Brno kishte triumfuar me rezultatin e pastër 3:0. Megjithatë, KV Ferizaj është i vendosur të kërkojë rikthimin në lojë dhe fitoren përballë tifozërisë së vet, ndërsa mysafirët nga Çekia synojnë që sonte ta sigurojnë përfundimisht kualifikimin tutje.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: