Rinis sfida e Superkupës mes Trepçës dhe Bashkimit pas ndërprerjes njëorëshe

Përballja për Superkupë në basketboll ndërmjet Trepçës dhe Bashkimit ka rinisur pas një pauze prej rreth një ore, e cila solli tensione dhe ndryshim të pamjes në tribunat e palestrës. Tifogrupet e të dyja skuadrave, “Torcida” dhe “Arpagjikët”, janë boshatisur plotësisht nga ambientet e palestrës “Mizahir Isma”, duke lënë pas një sallë pothuajse të zbrazët. Pas largimit të masës së tifozëve dhe qetësimit të situatës, në parket janë kthyer lojtarët e të dyja ekipeve për të vazhduar minutat e mbetura të takimit, ndërkohë që në shkallët e palestrës kanë mbetur vetëm dhjetëra shikues të vendosur në sektorin e mysafirëve.