Kronikë
Vendim përfundimtar: Armando Ndreca shpallet i pafajshëm nga Gjykata e Apelit
Reklamë e Sponsorizuar
Gjykata e Apelit në Tiranë ka dhënë verdiktin përfundimtar për Armando Ndrecën, vëllain e ish-deputetit të Partisë Socialiste, Eduard Ndreca, duke e shpallur atë të pafajshëm.
Trupi gjykues i kësaj instance ka rrëzuar akuzat e mëparshme, duke ndryshuar rrjedhën e procesit gjyqësor për Ndrecën. Ky vendim vjen pas një beteje të gjatë ligjore ku ai u përball me disa akuza të rënda.
Kujtojmë se në shkallën e parë, Armando Ndreca ishte shpallur fajtor për veprat penale të “Kultivimit të bimëve narkotike” dhe “Vjedhjes së energjisë elektrike”, ndërsa ishte shpallur i pafajshëm për akuzën e “Prodhimit dhe shitjes së narkotikëve”.
Në atë kohë, pas aplikimit të gjykimit të shkurtuar që solli uljen e një të tretës së dënimit dhe bashkimit të tyre, Armando Ndreca ishte dënuar me 4 vite e 4 muaj burg. Megjithatë, ky vendim i fundit i Apelit e shfajëson plotësisht atë nga përgjegjësia penale.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: