Sport
Irlanda gati për sfidën ndaj Kosovës: Si pritet të rreshtohen vendasit në Dublin?
Reklamë e Sponsorizuar
Kombëtarja e Irlandës është duke bërë përgatitjet e fundit për duelin e sotëm ndaj Kosovës, takim që do të zhvillohet në stadiumin “Aviva” në Dublin, me fillim nga ora 20:45.
Strategu Heimir Hallgrimsson ka planifikuar një qasje taktike me skemën 3-4-2-1, ndërsa është i detyruar të bëjë një lëvizje të detyruar në vijën e mbrojtjes. Për shkak të mungesës së kapitenit Nathan Collins, vendin e tij në qendër të mbrojtjes pritet ta zërë lojtari i Evertonit, Jake O’Brien. Ai do të bashkëpunojë me Dara O’Shean dhe Liam Scales, derisa siguria në portë i është besuar Caoimhin Kelleherit.
Sa i përket mesfushës, pritet të shohim nga minuta e parë Abankwah-n, Conor Coventry-n, Jayson Molumby-n dhe Ryan Manning-un. Në repartin ofensiv, trajneri Hallgrimsson do t’i besojë dyshes Adam Idah dhe Jack Moylan, të cilët do të operojnë në mbështetje të sulmuesit kryesor, Troy Parrott.
Formacioni i mundshëm i Irlandës (3-4-2-1): Kelleher; O’Shea, O’Brien, Scales; Abankwah, Coventry, Molumby, Manning; Moylan, Idah; Parrott.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: