Sekreti i madh u zbulua: Si e mbajti Lady Gaga të fshehtë lindjen e vajzës madje edhe nga miqtë e ngushtë

Këngëtarja me famë botërore, Lady Gaga, ka arritur të ruajë një sekret të madh, duke mbajtur të fshehtë lindjen e vajzës së lor jo vetëm nga opinioni i gjerë, por edhe nga rrethi i saj më i ngushtë shoqëror, të cilët e kuptuan lajmin e bukur vetëm kur ai u bë publik. Sipas burimeve të afërta me yllin e muzikës, ajo ka preferuar të qëndrojë larg vëmendjes së mediave gjatë muajve të fundit, duke i kushtuar kohë partnerit të saj, Michael Polansky. "Pothuajse askush nuk e dinte. Njerëzit e saj më të afërt nuk kishin asnjë ide," u shpreh një burim. Një tjetër mik i këngëtares ka mbështetur plotësisht vendimin e saj për të ruajtur këtë privatësi. "Është e pabesueshme. Jam shumë i lumtur për të dhe jam i lumtur që ata arritën ta mbanin për vete. Është e shëndetshme për të dhe partnerin e saj të kenë diçka që mund ta mbajnë vetëm për vete. Ata kanë një hapësirë dashurie tepër të sigurt që kanë ndërtuar," tha ai, duke shtuar se mbështet dëshirën e çiftit për të jetuar larg syrit kureshtar të publikut. Sipas burimit të parë, Gaga është jashtëzakonisht e lumtur dhe i është përkushtuar plotësisht foshnjës, pasi gjithmonë e ka ruajtur rrethin e saj intim të njerëzve. Ajo gjithashtu synon të bëjë një shkëputje më të gjatë nga skena dhe koncertet pas turneve të saj intensive. "Ajo po e shijon të qenit nënë. Donte të bënte turne të mëdha dhe mendoj se tani ka mbaruar së performuari, të paktën për një kohë të gjatë. Tani thjesht dëshiron të jetë nënë," theksoi burimi. Në javët e fundit, Gaga dhe Polansky janë shfaqur shumë rrallë në publik. Më herët u raportua se ata kishin mirëpritur fëmijën e tyre të parë, ndërsa më vonë u zbulua se vajza e tyre quhet Rose Bean Polansky dhe ka ardhur në jetë më 9 qershor në Los Angeles, saktësisht në orën 23:19, sipas certifikatës së lindjes. Po ashtu, raportohet se vajza ka lindur nëpërmjet një nëne surrogate, megjithëse ylli dhe përfaqësuesit e saj nuk i kanë konfirmuar ende zyrtarisht këto detaje të lindjes. Emri Rose ka një domethënie të thellë për këngëtaren, e cila interpretoi këngën "La Vie En Rose" në filmin e vitit 2018 "A Star Is Born" dhe mban një tatuazh trëndafili në shpinë si dedikim. Ndërkohë, emri i mesëm Bean lidhet me aktivistin Carl Bean, i cili shërbeu si frymëzim për hitin e saj "Born The Way". Lady Gaga dhe Michael Polansky, të cilët zyrtarizuan lidhjen e tyre në vitin 2020 dhe u fejuan në vitin 2024, kishin kohë që përpiqeshin të krijonin një familje. Rruga e tyre drejt prindërimit, sipas burimeve, nuk ka qenë aspak e lehtë dhe është shoqëruar me sfida të shumta fizike dhe emocionale. "Stefani ka pasur një udhëtim të vështirë fizik. Ka pasur momente lumturie të madhe, por edhe momente dëshpërimi. Ka qenë shumë e vështirë. Është me të vërtetë një histori momentesh të vështira fizike dhe emocionale në rrugën drejt këtij fundi të lumtur," u shpreh burimi. Këngëtarja prej vitesh është përballur me shqetësime të ndryshme shëndetësore, duke përfshirë probleme serioze me ijet, si dhe betejën e saj të njohur me fibromialgjinë dhe dhimbjen kronike, të cilat janë shtuar krahas angazhimeve të saj intensive skenike.