“Bëhuni gati me çadra”: Thirrja e fundit e organizatorit për protestën e mbrëmjes në mbështetje të UÇK-së

Çlirim Haziri, organizatori i protestës “Jo në emrin tim” që do të mbahet në kryeqytet, u ka bërë thirrje qytetarëve që të mos ndalet nga kushtet e motit dhe të marrin nga një çadër me vete për tubimin e mbrëmjes. Nëpërmjet një postimi në rrjetet sociale, ai ka theksuar se reshjet e shiut nuk do të mund ta zbehin aspak qëndresën dhe mesazhin e protestuesve. Haziri ka konfirmuar se ngjarja do të zhvillohet në orën 21:00 në sheshin “Skënderbeu”, duke ftuar qytetarët që të bashkohen nën moton “bashkë për UÇK-në”, pavarësisht motit të papërshtatshëm.