Lajmetereja | --:-- | Kosovë & Rajoni
Botë

Kërcënim serioz në SHBA: Inteligjenca amerikane zbulon planet e fshehta të Iranit për sulm me bombë radioaktive në Uashington

Redaksia Lajmetereja • 17-11-2026 09:22
Shpërndaj:
Reklamë e Sponsorizuar
Kërcënim serioz në SHBA: Inteligjenca amerikane zbulon planet e fshehta të Iranit për sulm me bombë radioaktive në Uashington
Agjencitë e zbulimit në Shtetet e Bashkuara kanë dalë në përfundimin se Irani po shqyrton skenarë për të ndërmarrë sulme në tokën amerikane, duke përfshirë mundësinë e përdorimit të një arme kimike ose një “bombe të pistë” radioaktive. Sipas dëshmisë së shtatë zyrtarëve të lartë amerikanë, në shënjestër të këtyre planeve të mundshme mund të vendosen personalitete të larta të administratës së presidentit Donald Trump në kryeqytetin Uashington. Megjithatë, burimet konfirmojnë se deri më tani bëhet fjalë vetëm për ide dhe skenarë operativë, pa pasur një rrezik për ndonjë sulm të afërt. Autoritetet kompetente në SHBA po analizojnë me kujdes nëse Teherani posedon realisht mjetet dhe personelin e domosdoshëm për të çuar deri në fund një plan të tillë. Këto të dhëna të zbuluara nga inteligjenca paraqiten mjaft konkrete, pasi përfshijnë edhe lokacione dhe objektiva të përcaktuara. Si pasojë e kësaj situate, strukturat shtetërore amerikane kanë zhvilluar një sërë takimesh urgjente gjatë javës së kaluar për të ndërtuar strategji mbrojtëse dhe masa parandaluese. Nga ana e saj, zëdhënësja e Shtëpisë së Bardhë, Lauren Bis, bëri të ditur se qeveria po ndjek me vëmendje çdo rrezik të mundshëm, ndërsa theksoi se aktualisht nuk ka të dhëna për kërcënime të mirëfillta dhe të konfirmuara ndaj sigurisë kombëtare. “Në këtë moment nuk ka kërcënime të besueshme ndaj atdheut”, u shpreh ajo përmes një deklarate zyrtare. Të dhënat e inteligjencës sugjerojnë gjithashtu se regjimi iranian mund të ketë shqyrtuar mundësinë e përfshirjes së individëve që tashmë banojnë brenda Shteteve të Bashkuara për ekzekutimin e sulmit, duke evituar kështu dërgimin e agjentëve të jashtëm. Një prej burimeve bëri me dije se janë kapur komunikime ku pretendohet se Irani ka siguruar dhe fshehur lëndë të nevojshme për ndërtimin e bombave në territorin amerikan, ndonëse zyrtarët mbeten të ndarë rreth vërtetësisë së këtyre raporteve. Sipas tyre, fokusi i shqetësimit nuk qëndron te shtimi i kapaciteteve teknike të Iranit, por te ndryshimi i mundshëm i vullnetit politik dhe motivimit të Teheranit për të ndërmarrë një hap kaq drastik. Ndryshe nga armët bërthamore tradicionale, e ashtuquajtura “bombë e pistë” ndërthur eksplozivë klasikë me lëndë radioaktive që përhapen në hapësirë pas shpërthimit. Ekspertët shpjegojnë se dëmi fizik vjen kryesisht nga eksplozivi, ndërsa materiali radioaktiv shkakton ndotje mjedisore dhe pasoja afatgjata për shëndetin e njeriut. Një zyrtar e cilësoi këtë armë si një instrument terrori dhe jo precisioni, që ka për qëllim kryesor përhapjen e panikut dhe kontaminimin e hapësirave të caktuara. Në krahun tjetër, Misioni i Iranit pranë Kombeve të Bashkuara ka hedhur poshtme çdo akuzë për përdorim të mundshëm të armëve kimike, duke e quajtur përdorimin e tyre të paligjshëm në çdo rrethanë dhe duke i cilësuar pretendimet si të rreme. Megjithatë, rreziku i perceptuar nga inteligjenca nuk ndalet vetëm brenda kufijve amerikanë. Zyrtarët po ndjekin me shqetësim edhe të dhëna që flasin për një rrezik të mundshëm të përdorimit të armëve kimike kundër ushtrisë amerikane të vendosur në Lindjen e Mesme. Këto informacione kanë vënë në lëvizje autoritetet për të përditësuar planet e mbrojtjes për personelin ushtarak, diplomatik dhe agjentët e inteligjencës në atë rajon. Disa burime kanë shprehur rezerva dhe frikë se trupat amerikane në terren mund të mos kenë pajisjet dhe përgatitjen e duhur për t’u mbrojtur efektivisht.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar