Sport
Çështja e tenderëve: Mimoza Karçanaj paraqitet sërish në SPAK për masën e sigurisë
Reklamë e Sponsorizuar
Ish-drejtoresha e Agjencisë Kombëtare të Shoqërisë së Informacionit (AKSHI), Mimoza Karçanaj, është paraqitur ditën e sotme në ambientet e Prokurorisë së Posaçme Kundër Korrupsionit dhe Krimit të Organizuar (SPAK). Veprimi vjen në kuadër të zbatimit të detyrimeve ligjore që rrjedhin nga masa e sigurisë ndaj saj.
Sipas vendimit të drejtësisë, ajo është e detyruar të paraqitet pranë Policisë Gjyqësore në të martën e parë dhe të tretë të çdo muaji. Krahas kësaj mase, ndaj saj vazhdon të jetë në fuqi ndalimi i udhëtimeve jashtë vendit, si dhe i është bllokuar pasaporta.
Kujtojmë se më parë ish-zyrtarja e lartë mbahej nën izolim me masën “arrest në shtëpi”, por situata e saj ligjore ndryshoi pasi Gjykata e Lartë pranoi rekursin e paraqitur nga avokatët mbrojtës, duke zbutur masën e sigurisë.
Karçanaj po hetohet nga Prokuroria e Posaçme nën dyshimet për veprën penale të shkeljes së barazisë në tendera dhe ankande publike, hetime këto që po zhvillohen në kuadër të një grupi të strukturuar kriminal.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: