Kronikë
Tragjedi në Gjermani: Dy të rinj nga Rahoveci ndërrojnë jetë në një aksident trafiku
Reklamë e Sponsorizuar
Një ngjarje e rëndë ka goditur komunën e Rahovecit, pasi dy të rinj nga ky qytet kanë humbur jetën në një aksident të rëndë trafiku që ka ndodhur në Gjermani. Viktimat janë identifikuar si Leart Morina nga fshati Sopniq dhe Berhan Zeka nga Pataqani i Poshtëm.
Kjo humbje e parakohshme ka shkaktuar pikëllim të madh te familjarët, miqtë dhe gjithë komunitetin e Rahovecit. Me rastin e kësaj tragjedie, kryetari i komunës, Smajl Latifi, ka shprehur ngushëllimet e tij të thella për familjet e viktimave.
Përmes një mesazhi të publikuar në rrjetet sociale, i pari i Rahovecit është shprehur i tronditur nga ky lajm i hidhur. “Në emrin tim dhe të Komunës së Rahovecit, bashkëndiejmë me dhimbjen tuaj të madhe. Ju shpreh ngushëllimet më të sinqerta familjeve Morina dhe Zeka, të afërmve dhe miqve të tyre për këtë humbje të rëndë. Learti dhe Berhani pushofshin në paqe!”, ka shkruar Latifi.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: