Vendimi zyrtar: Premierliga shpall Manchester Cityn fajtor për 115 shkelje financiare

Klubi i njohur anglez, Manchester City, është shpallur zyrtarisht fajtor për 115 akuzat që rëndonin ndaj tij, pas një procesi të gjatë shqyrtimi që ka mbajtur vëmendjen e opinionit sportiv ndërkombëtar. Ky vendim disiplinor vjen si pasojë e shkeljeve të përsëritura të rregulloreve financiare të Premierligës dhe UEFA-s, të cilat u konstatuan se janë kryer nga gjiganti nga Manchester gjatë periudhës kohore 2009-2018. Konfirmimi zyrtar është bërë i ditur nga komisioni kompetent i Premierligës, i cili ka legjitimuar aktgjykimin e shpallur ditën e premte, duke i dhënë një kthesë të re kësaj çështjeje të bujshme. Megjithatë, drejtuesit e Manchester Cityt kanë në dispozicion mekanizmat ligjorë për të mbrojtur pozitat e klubit, ku afati i fundit për të dorëzuar kërkesën zyrtare për ankesë është caktuar deri më 2 tetor.