Trashëgimia e Afrim Maliqit, Haxhiu kërkon njohje më të gjerë të veprës së poetit e gazetarit

Ushtruesja e detyrës së presidentes së Kosovës, Albulena Haxhiu, ka nderuar figura e njohur e poetit, kritikut dhe gazetarit Afrim Maliqi, në kuadër të një ekspozite të veçantë të përgatitur nga Biblioteka Kombëtare e Kosovës. Gjatë fjalës së saj, Haxhiu theksoi se Maliqi krijoi në periudhat më të vështira të shtypjes, kur informimi për dhunën dhe padrejtësitë ndaj shqiptarëve kërkonte trimëri të jashtëzakonshme. Ajo evokoi kujtimin për intelektualin që u nda nga jeta në moshën 33-vjeçare, duke lënë trashëgimi një krijimtari që, sipas vlerësimit të saj, kërkon një vëmendje dhe njohje më të madhe nga publiku. Të pranishmit në ekspozitë patën mundësinë të shihnin nga afër dorëshkrime origjinale të autorit, ku përfshihen ndërhyrjet dhe përmirësimet e bëra me shkrimin e tij dore, si dhe fotografi e korrespondenca personale që sjellin një dritë të re mbi jetën dhe opusin e tij letrar e gazetar. Në përmbyllje, Haxhiu i drejtoi një falënderim stafit të Bibliotekës Kombëtare për përkushtimin në ruajtjen e arkivit të Afrim Maliqit, ndërkohë që rikonfirmoi mbështetjen e plotë institucionale për bashkimin e gjithë pasurisë së tij shpirtërore në një Fond Personal të dedikuar me emrin “Afrim Maliqi”.