Ferne McCann rrëfen marrëdhënien intime me Russell Brand kur ishte 18-vjeçare: E ftoi në festë me të brendshme në xhakuzi

Aktorja dhe ylli i reality show-t Ferne McCann ka rrëfyer në autobiografinë e saj të vitit 2016 se kishte kryer marrëdhënie seksuale me komedianin Russell Brand kur ishte vetëm 18-vjeçare. Në librin e saj Cross My Heart, ish-ylli i emisionit “TOWIE” ka treguar se fillimisht ishte takuar me Brandin pas një shfaqjeje të tij në Brixton, duke pranuar se kishte qenë shumë e tërhequr nga ai. Sipas rrëfimit të saj, Brand e kishte ftuar atë dhe shoqet e saj në shtëpinë e tij, ku më pas kishin marrë pjesë në një festë në vaskën e xhakuzit, të veshura vetëm me të brendshme. McCann kishte pranuar se në atë kohë ishte shumë naive, ndërsa kishte treguar se kur ishte takuar me të vite më vonë, ndihej më e pjekur dhe e dinte më mirë se çfarë dëshironte. Rrëfimi i saj është rikthyer në vëmendje pas dënimit të Russell Brand për përdhunim dhe sulm seksual. Ndërkohë, komediani, 51 vjeç, përballet edhe me mundësinë e një procesi të dytë gjyqësor, pasi disa persona të tjerë kanë dalë me pretendime të reja ndaj tij. Sipas raportimeve, policia po shqyrton pretendimet e tetë personave të tjerë.