Kombëtarja mbërrin në Budapest, kuqezinjtë kërkojnë triumfin historik ndaj Bjellorusisë

Përfaqësuesja e Shqipërisë ka zbarkuar tashmë në kryeqytetin hungarez, ku ditën e nesërme do të zbresë në fushë për një nga sfidat më vendimtare të këtij edicioni në Ligën e Kombeve. Skuadra kuqezi do të matë forcat me Bjellorusinë në aktin e fundit të këtij grupi, me objektivin e qartë për të rrëmbyer tri pikët e plota dhe për të konfirmuar kreun e renditjes tabelore. Pasi on i mbyllur përgatitjet me seancën e fundit stërvitore të zhvilluar në tokën shqiptare, delegacioni ka udhëtuar drejt Budapestit pa planifikuar ndonjë dalje tjetër në fushën e blertë për stërvitje. Angazhimi i radhës për kuqezinjtë do të jetë dalja zyrtare para mediave, ku trajneri do të paraqitet në konferencën për shtyp të parashikuar për në orën 18:30. Dueli mes dy skuadrave është caktuar të luhet nesër duke filluar nga ora 18:00, kohë kur ekipi i drejtuar nga Sylvinho do të synojë mbylljen e kësaj faze në majën e renditjes së Grupit 1 në Ligën C.