Arlinda sqaron pëlqimin për Norën në BBVK 5: E kuptova situatën, nuk kishte nevojë të ma thoshte

Dinamikat brenda shtëpisë më të ndjekur në vend, “Big Brother VIP Kosova 5”, vijojnë të prodhojnë momente diskutimi mes banorëve, ku në qendër të vëmendjes kësaj radhe ka qenë sërish Arlinda dhe ndjenjat e shprehura ndaj Norës. Edhe pse Arlinda nuk e ka fshehur pëlqimin e saj romantik ndaj banores tjetër, duket se ky interesim ka mbetur njëkahësh. Nora nga ana e saj ka qenë e prerë, duke ia bërë të qartë se preferon që marrëdhënia e tyre të mbetet rreptësisht në kuadrin e miqësisë. Duke diskutuar mbi këtë zhvillim me Zojën, Arlinda ka shprehur njëfarë pakënaqësie për mënyrën se a u trajtua situata, duke nënvizuar se ajo zotëron mjaftueshëm maturi për t'i kuptuar gjërat pa pasur nevojë për sqarime shtesë. “Oj çikë, veç simpati kam thënë… S’po më kupton e s’di çka. Unë jam njeri që marr vesh. S’ke pasur nevojë me ardhë me më thënë që s’jam e interesuar. Më tha: ‘Po du me të pas shoqe’”, u shpreh Arlinda gjatë bisedës. Ndonëse fillimisht e mërzitur nga qasja, Arlinda tashmë duket se e ka pranuar pozicionin e Norës, duke u pajtuar me faktin se lidhja e tyre mes katër mureve të shtëpisë do të vazhdojë vetëm si shoqe.