Kosova kontrollon fushatën e parë kundër Izraelit, por rrjeta mbetet e paprekur

Përfaqësuesja e Kosovës ka dominuar plotësisht 45-minutëshin e parë të sfidës përballë Izraelit, duke krijuar një numër të madh rastesh për shënim, megjithatë fraksioni i parë është mbyllur pa gola. Që në hapat e parë të takimit, djemtë e ‘Dardanëve’ kanë rrezikuar seriozisht portën kundërshtare përmes Kreshnik Hajrizit dhe Edon Zhegrovës, ndërsa një mundësi e artë iu mohua Vedat Muriqit. Gjithashtu, një aksion i rrjedhshëm ku Arbër Hoxha harkoi saktë për Milot Rashicën e ka sjellë Kosovën shumë pranë epërsisë. Në krahun tjetër, Izraeli është kundërpërgjigjur vetëm përmes disa tentativave sporadike, ku rasti më konkret erdhi nga Oscar Gloukh, gjuajtja e të cilit u neutralizua me sukses nga portieri Amir Shaipi.