Formë e jashtëzakonshme, Armend Muslika sërish protagonist me Shqipërinë U-17

Talenti i Kombëtares kuqezi vazhdon të dhurojë paraqitje fantastike në fushën e blertë, duke konfirmuar formën e tij të shkëlqyer në ndeshjen ndaj Armenisë. Ekspertiza e tij tashmë është kthyer në një markë të regjistruar: golat spektakolarë nga goditjet e dënimit. Armend Muslika ka lënë sërish gjurmë me aftësitë e tij prej sulmuesi të spikatur, në sfidën ku Shqipëria U-17 është duke triumfuar me rezultatin e pastër 2-0 ndaj armenëve. Sulmuesi ka zhbllokuar sfidën që në minutën e 4-të me një ekzekutim prej kryevepre, duke e dërguar topin në mënyrë perfekte në cepin e sipërm të portës kundërshtare. Ndërkohë, avantazhi është dyfishuar nga Gabriel Kulla. Vlen të theksohet se bëhet fjalë për të njëjtët autorë të golave që shënuan edhe në përballjen e fundit zyrtare kundër Qipros.