Zinedine Zidane regjistron disfatën e parë në krye të Francës pas përmbysjes spektakolare nga Italia

Përfaqësuesja e Italisë ka arritur një fitore të madhe me rezultatin 3-1 përballë Francës, në një përballje mjaft atraktive të zhvilluar në kuadër të xhiros së pestë të Grupit A1 në Ligën e Kombeve. Faqja e parë e ndeshjes u takoi 'Gjelave', të cilët zhbllokuan shifrat që në minutën e 10-të. Michael Olise përfitoi nga një pakujdesi e rëndë e portierit Gianluigi Donnarumma, duke e dërguar topin në rrjetë për 0-1. Megjithatë, 'Azurrët' u kundërpërgjigjën në minutën e 26-të përmes Francesco Pio Espositos, i cili barazoi rezultatin në 1-1 pas një pasimi vendimtar nga Nicolo Cambiaghi. Gjatë kësaj pjese, saktësisht në minutën e 35-të, Bradley Barcola ishte shumë afër rikthimit të epërsisë për francezët, mirëpo gjuajtja e tij e fortë u ndal vetëm nga shtylla. Me nisjen e fraksionit të dytë, italianët patën mundësinë e artë për të kaluar në avantazh nga penalltia në minutën e 60-të, por Sebastiano Esposito nuk tregohet i saktë nga pika e bardhë. Megjithatë, ky gabim u harrua shpejt, pasi vetëm tri minuta më vonë Davide Frattesi realizoi golin e epërsisë 2-1, falë një asistimi perfekt nga Federico Dimarco. Në minutën e 75-të, Francesco Pio Esposito vulosi fatin e këtij takimi duke shënuar saktë nga penalltija, që ishte goli i tij i dytë personal në këtë mbrëmje dhe i treti për përfaqësuesen italiane. Falë këtij triumfi të merituar, Italia ngjitet në krye të renditjes me 10 pikë, aq sa ka edhe Franca në vendin e dytë, por me italianët që mbajnë epërsinë falë ndeshjeve direkte.