Duel i zjarrtë në Ligën e Kombeve: Italia dhe Franca mbyllin 45-minutëshin e parë në baraspeshë

Pjesa e parë e përballjes mes Italisë dhe Francës, e vlefshme për Ligën A të Ligës së Kombeve, është mbyllur me një barazim 1:1, duke lënë gjithçka të hapur për fraksionin e dytë të lojës. Sfida nisi me intensitet, ku në minutën e 10-të, Michael Olise zhbllokoi rezultatin në favor të francezëve. Francezi përfitoi maksimalisht nga një pavendosmëri e portierit Gianluigi Donnarumma, duke dërguar topin në rrjetë pas një goditjeje të saktë nga brenda zonës. Megjithatë, reagimi i italianëve ishte i shpejtë dhe konkret. Në minutën e 26-të, Nicolo Cambiaghi dhuroi një asistim mjaft të bukur për Francesco Pio Espositon, i cili nga një distancë e afërt nuk gaboi, duke rikthyer ekuilibrin në fushë me golin e barazimit. Me rezultatin 1:1, dy kombëtaret i janë drejtuar dhomave të zhveshjes, duke konfirmuar një lojë mjaft të luftuar dhe të barabartë deri në këtë fazë të takimit.