Gjykata e Pejës vishet me masa të rrepta sigurie para seancës për Jeton Sylajn

Gjykata Themelore në Pejë është vënë nën masa të shtuara sigurie pak çaste para nisjes së shqyrtimit fillestar ndaj Jeton Sylajt, i cili akuzohet për veprën penale të kanosjes ndaj Arlinda Zekajt. Prani e shtuar e forcave të rendit është vërejtur që në hyrje të objektit të këtij institucioni të drejtësisë, ku janë pozicionuar pjesëtarë të Policisë së Kosovës, përfshirë edhe njësi të pajisura me armë të gjata. Sipas agjendës zyrtare, kjo seancë gjyqësore është parashikuar të nisë zyrtarisht në orën 11:00.