Kevin De Bruyne shpërthen ndaj arbitrit: Zbatimi i rregullit të ri e nxjerr nga vetja yllin belg

Përballja mes Belgjikës dhe Francës është shoqëruar me momente tensioni dhe nervozizmi, ku protagonist është bërë mesfushori Kevin De Bruyne. Ky i fundit ka shpërthyer me tone të ashpra ndaj gjyqtarit të takimit, i irrituar jashtë mase nga një prej rregullave të reja të vendosura në futboll për parandalimin e vonesave të qëllimshme të kohës. Ngjarja ka regjistruar kulmin e saj në fillim të pjesës së dytë të ndeshjes. Pas një dyluftimi në fushë, De Bruyne është goditur fort në fytyrë nga mbrojtësi Lacroix, duke u detyruar të marrë ndihmën e shpejtë mjekësore në terren. Megjithatë, sipas direktivave të reja, futbollisti u detyrua të linte përkohësisht fushën e blertë dhe të priste plot 60 sekonda jashtë vijave anësore para se t'i lejohej rikthimi në lojë. I pushtuar nga zemërimi për këtë largim të detyruar dhe i frustruar nga situata, kapiteni belg iu drejtua drejtpërdrejt stolit të kombëtares, duke lëshuar akuza dhe fjalë të rënda në adresë të arbitrit kryesor. Pasi kaloi koha e përcaktuar prej një minute, ai mori sërish lejen për t'iu bashkuar skuadrës. Në aspektin sportiv, Belgjika u mposht me rezultatin minimal 0-1 nga Franca, pas një goli të shënuar nga Olise në minutat e fundit të sfidës. Ky zhvillim solli gjithashtu një reagim epik nga ana e trajnerit Zinedine Zidane.