Bashkëpunimi i Kuvendit me Institutin Republikan Ndërkombëtar në fokus të takimit Haxhiu-Nix

Kryetarja e Kuvendit të Kosovës, Albulena Haxhiu, ka zhvilluar sot një takim pune me Drejtorin e Lartë për Evropë dhe Euroazi në Institutin Republikan Ndërkombëtar (IRI), Stephen B. Nix. Përmes një postimi në rrjetet sociale, Haxhiu bëri të ditur se nën dritën e këtij takimi janë trajtuar zhvillimet e fundit në vend, puna aktuale e legjislativit, si dhe rrugët për ta intensifikuar bashkëpunimin ndërparlamentar. Gjatë bisedës, vëmendje e veçantë iu kushtua prioriteteve legjislative, funksionit të mbikëqyrjes parlamentare, si dhe domosdoshmërisë së dialogut dhe bashkëpunimit të ngushtë ndërmjet grupeve të ndryshme parlamentare. Në vijim të takimit, krerët shkëmbyen mendime lidhur me skenën politike në Ballkanin Perëndimor, sfidat me të cilat ballafaqohet rajoni dhe rolin kyç që ka ruajtja e stabilitetit dhe fqinjësisë së mirë ndërmjet vendeve fqinjë.