Debati te Bayerni: Lothar Matthaus merr në mbrojtje Jamal Musialan pas deklaratave të Uli Hoenes

E ardhmja dhe situata e Jamal Musialës vazhdojnë të jenë në qendër të vëmendjes dhe diskutimeve të ashpra brenda kampit të Bayern Munichut. Në këtë vorbull debatesh ka vendosur të përfshihet edhe legjenda e futbollit gjerman, Lothar Matthäus, i cili ka analizuar komentet e Uli Hoenes lidhur me procesin e rinovimit të kontratës së yllit të ri. Sipas ish-mesfushorit ikonik, drejtuesit e klubit bavarez kanë pranuar me vetëdije të plotë të gjitha kushtet financiare dhe kohore të përfshira në marrëveshjen e deritanishme. "Ky është një rrezik që merr përsipër si klubi, ashtu edhe futbollisti, sepse kur firmos një kontratë nuk e di se si do të zhvillohet rrugëtimi yt", – ka shkruar Matthäus në hapësirën e tij të pëmuajshme analitike për rrjetin mediatik. Më tej, ish-kapiteni i kombëtares së Gjermanisë ka shtuar se e kupton deri diku qëndrimin e mbajtur nga Uli Hoeness, por nga ana tjetër ka pohuar se nuk mund të jetë i sigurt për prapaskenat e sakta të atij fjalimi, i cili sipas tij ka stimuluar një valë spekulimesh në të gjitha drejtimet. Megjithatë, Matthäus ka preferuar të mbyllë çdo dilemë duke nxjerrë në pah një fakt kryesor: "Bayerni ishte dakord me pagën dhe kohëzgjatjen e kontratës së Musiala. Pikërisht për këtë arsye kontrata u nënshkrua".