Abdixhiku fton në selinë e LDK-së diplomaten amerikane Anu Prattipati: Në fokus zhvillimet politike dhe ekonomike

Kryetari i Lidhjes Demokratike të Kosovës (LDK), Lumir Abdixhiku, ka zhvilluar sot një takim pune me të ngarkuarën me punë të Ambasadës së Shteteve të Bashkuara të Amerikës në vendin tonë, Anu Prattipati. Për këtë takim ka njoftuar vetë kreu i LDK-së përmes një postimi në rrjetet sociale, duke bërë të ditur se biseda është shtrirë rreth situatës aktuale politike, e ardhmes ekonomike, si dhe nismave strategjike që janë jetike për ecurinë e Kosovës. Gjatë këtij bashkëbisedimi, Abdixhiku i ka shprehur mirënjohjen e thellë përfaqësueses së diplomacisë amerikane për partneritetin e palëkundur që SHBA-ja ka dëshmuar ndër vite ndaj vendit tonë dhe bashkëpunimin e ngushtë me Lidhjen Demokratike të Kosovës. Në fund, kreu i opozitës kosovare rikonfirmoi qëndrimin se aleanca dhe miqësia e ngushtë me Shtetet e Bashkuara të Amerikës përbëjnë orientimin strategjik dhe të paneglizhueshëm të subjektit politik që ai drejton.