Incidenti në hekurudhën ruse: Grupi pro-ukrainas 'Atesh' lëshon paralajmërimin ironik pas shembjes së urës

Një formacion ukrainas i dyshuar për veprime sabotuese ka bërë bujë me një reagim thumbues dhe sarkastik, menjëherë pas shembjes së një segmenti të urës hekurudhore në rajonin rus të Arkhangelskut, ndërkohë që ende nuk ka marrë autorësinë e drejtpërdrejtë të ngjarjes. Sipas njoftimeve zyrtare nga autoritetet vendase, dëmtimi i urës ndodhi rreth orës 05:10 të mëngjesit si pasojë e një “incidenti”, ngjarje kjo që la disa vagonë mallrash të pezulluar rrezikshëm mbi rrjedhën e lumit. Vetëm pak orë pas këtij zhvillimi, lëvizja “Atesh”, një grup rezistence me bazë në Ukrainë që kundërshton ashpër agresionin rus, lëshoi një deklaratë përmes kanalit të tyre zyrtar në Telegram, duke lënë të kuptohet qartë se ngjarje të ngjashme mund të përsëriten në rajone të ndryshme të Federatës Ruse. “Urat do të shemben jo vetëm në rajonin e Arkhangelskut. Ne po vëzhgojmë…”, thuhej shprehimisht në njoftimin e tyre publik. Më tej, organizata nuk ontoi t’i paraprijë me ironi justifikimeve zyrtare të Moskës, duke u tallur me mënyrën se si strukturat shtetërore ruse pritet t’ia atribuojnë ngjarjen defekteve dhe fatkeqësive të rastësishme. “Dhe ne do t’ua paraprijmë menjëherë burokratëve të Putinit dhe shpjegimeve të tyre: natyrisht, e gjithë kjo po ndodh ‘rastësisht’ – vetëm për shkak të defekteve teknike”, theksohej më tej në të njëjtin mesazh. Pavarësisht këtij toni provokues, lëvizja “Atesh” nuk e mori përsipër organizimin e sulmit, ndërkohë që arsyet e vërteta që çuan në këtë incident mbeten ende të paqarta për hetuesit. Në raportimet e tyre, autoritetet rajonale ruse konfirmuar se vagonët e përfshirë ishin pa ngarkesë dhe se nuk ishte shënuar asnjë rrjedhje e lëndëve djegëse apo karburantit. Për shkak të dëmeve, aksi hekurudhor që lidh viset qendrore të Rusisë me zonat veriore të vendit është ndërprerë përkohësisht, ndërsa grupet e ekspertëve po analizojnë të gjitha provat për të zbardhur rrethanat e plota të shembjes. Që nga fillimi i ndërhyrjes ushtarake ruse në shkallë të gjerë në Ukrainë gjatë vitit 2022, në territorin e Federatës Ruse janë shënuar shpesh herë episode të ngjashme sabotazhi, ku shpeshherë dyshimet kanë rënë mbi celulat partizane që mbështesin Kievin.