Forcat e Sigurisë së Kosovës përmbyllin me sukses stërvitjen taktike në Kroaci, Maqedonci: Hap i rëndësishëm drejt standardeve të reja operacionale

Ministri i Mbrojtjes, Ejup Maqedonci, ka njoftuar se trupat e Togut për Intervenime të Policisë Ushtarake nga Forca e Sigurisë së Kosovës kanë marrë pjesë me sukses në një program të avancuar trajnimi të mbajtur në Republikën e Kroacisë. Gjatë këtij cikli stërvitor, efektivët e FSK-së janë angazhuar në ushtrime intensive praktike, duke përfshirë zbatimin e procedurave standarde të ndërhyrjes, operacionet e luftimit në ambiente të mbyllura (CQB), si dhe aftësimin në gjuajtje precize gjatë orëve të ditës, të natës dhe nga automjetet në lëvizje. Lidhur me këtë zhvillim, ministri Maqedonci ka theksuar rëndësinë e bashkëpunimit dypalësh me shtetin kroat, duke e cilësuar atë si një shtyllë kyçe të partneritetit tonë strategjik që synon ngritjen e kapaciteteve dhe shkëmbimin e ekspertizës ushtarake. Ai ka saktësuar se pjesëtarët e FSK-së morën pjesë në stërvitjen ndërkombëtare të titulluar “Training Based on SOP – Standards of Interventions”, e cila u zhvillua nga data 2 deri më 6 nëntor 2026, në poligonin e Slunjit në Kroaci.